EVAN. FINNEY SEIA TANGTHU

REV. DR. FINNEY SEIA TANGTHU TOM

New Darkhai khua Pa Bawi Ling leh Nu Kap Chhung te sungpan in 01 July 1947 ni-in New Darkhai khua ah piang hi.

PIAN PIH LAI ZOM TENG

Finney Seia ( Australia )
Kawl Pianga, (ong nusia khin ) , { Hnahlan }
Sap Tawna ( ong nusia khin ) { Tonsim }
Rom Fang Zaui { Hnahlan }
Kap Mawia ( ong nusia khin ) { Zion Veng }
Lal Sang Zuala ( ong nusia khin ) { Zion Veng }
Hleih Luaii ( ong nusia khin ) { New Dar Khai }
Thanga { Sum Mek }
Van Lal Kima { Zion Veng }
Lal Biak Liana { Veng Sang }
Lal Hranga ( ong nusia khin ) { New Dar Khai }
Hming Than Mawii ( ong nusia khin ) { New Dar Khai }
Khaw Luah Kungi ( ong nusia khin ) { Kah Rawt }
Lal Rin Mawii { Zion Veng }
Rem Sang Puii, { Zion Veng }
Lal Nghak Mawia { Zion Veng }
Lale Den Thara ( ong nusia khin ) { Zion Veng }

ZI NEIHNA

1966 kum in Zote khua ateng Pu Tlang Vale leh Pi Lal Maryi te tanu Lal Sang Liani tawh pumkhat suak uhhi.

Nu. Lal Sang Liani Sungpan a piang tate leh tute

Ro Zam Thangi + C. Zir Thanga
Joseph Thanga
Lal Nun Puia ( Nusia khin ) + Lal Hlu Puii
Lal Rin Awmi
b. Sei Lian Mawia
c. Lal Rem Mawia
Lal Ram Mawii + Lal Sang Zuala
Lal Nun Thari
b. Lal Nun Sangi
c. Es Thari
Lal Sang lura + Dim Ngaih Mang
Lal Biak Mawi
Lal Rawng Bawla
Lal Rin Mawia + Zen Sian Nuam
Lal Than Sanga
b. Elizabeth Vung Ngaih Huai
c. Grace Sai Sang Pui

Nu. Lal Sang Liani in ong nusiat khit ciangin, Topa gelna tawh 2000 kum in Zo Zang khua ateng Sia. Gin Khaw Hau leh Nu. Dim Ngaih Niang te tanu (2) na Nu. Lian Sian Kim tawh pumkhat suak uh hi.

Nu. Lian Sian Kim sungpan a piang tate leh tute:

Mawi Mawi + Thang Sawm Sang
Cing Sian Hoih
b. Suan Lian Van
c. Kim San Par
Lal Rin Muan + Jefferson Carriedo ( Thangpi )
Sei Biak Lian
Mary Nuam

NUNTAK ZIA

Ka pa uh pen a thu khual mikhat leh a thu nuam mahmah mikhat hi a, Innkuan adingin ki tang sapna om lo zah dongin Pa din mun a lazo apah taak huai Pa manpha mahmah khat ahihi.

Tapidaw innkuan sung pan a khangkhia ahih mah bangin a zi leh a tate Pasian thu tawh hong makaih in thu hong ngetsak tawntung Pasian a it a zahtak mahmah Pa khat ahihi.

Mi kamtawm khat ahih hangin a lawm a gual te tawh a kimuh ciangin ciamnuih gen nuam a sa a uk mahmah khat hi.

Gam vak uk mikhat hi a, tua a ukna tawh kizui in zong gamsa tamsim pian mah a na man mikhat hi. a samat zah pen Sakhi 69 kap hi ci – in, Tedim Innpi Black-Board ah tuni dongin muh theih dingin ki ciamteh in omlai hi.

Innkuan a ding leh pawlpi khua leh gam a dingin lam hong lak leh hong makaih den ka Pa uh ahihi.

PIL SIN NA
Old Darkhai sangah Primary sin in lai siam sang naupang khat hi. Yangon ah tan 5/6 a ong khit ciangin Tedim ah tan 7-9 dong pil sin in om a, Tan 10 pen Tonzang pan ongin gual zawh na ngah hi.

Kum 1972 – 1973 Mandalay University ah kum 2 kahin 2 Correspondance tawh B.A History Degree la hi.

15 June 2019 kum in Topa lam hon sak na tawh Rev leh D.D hong ngah thei hi.

KUMPI NA A SEP NA
1974 kumin Co – Operative Directorate Office (သ/မ ဦးစီးဌာန) Tedim ah L.D tawh na sem hi. Kumpi na sem in Kalaymyo, Kalay Wah, Khandi leh Tamu myo te ah zong (ပြောင်း) ki tuah in sem kawi kawi hi.

2009 kum in ( ဦးစီးမှူးရာထူး ) tawh Kalaymyo pan Pension la in tawl nga hi.

A PIAN THAK NA

Tuilang khua Pa Tut Za Go tungtawn in Zeisu gumpa leh Topa in sanghi. A Pianthak khit teh Rev. Suak Za Go in Tui phumna nei hi.

PASIAN NA SEP NA

Yangon University distance study in a Pano te inn bulphun in om a, Lai asim lai tak in Mizo cassette khui ki hong Sermon khat hong ngai in, tua thu gen na, a zak na pan in om thei nawn lo-in Pasian na sem a pai khiat nang sap na ngah hi.

Topa mai ah khuk din suk in, khitui luang in Pasian na sem dingin ki-ap pah hi.

1975 kum in Thuklai khua pan Gospel Lungdam na thu tangko ki pan in tuni dong a zom to suaksuak ahihi.

Guasing AG pawlpi phuhna ah zong khatin na ki hel kha hi. 1974-1975 kum in Sia. Kham Bawi in Kapteel AG phuhna ah zong na ki hel kha uh hi. Tua a hih man in AG pian khiat na ah mapang masa te lak ah khat in ana ki hel kha hi.

KAWLGAM SUNG GOSPEL PAINA

Hakha, Falam, Matupi, Thantlang, Paletwa, Mindat, Tedim myo teng, Yangon, Tawnggyi, Mandalay, Pha-kan, Hongmalin, Chaidong, Pha-an, Mawlamiang, Tathong, Khandi, leh Myoke, မုံရွာ ta hihi.

GAMDANG GOSPEL PAINA

Aizawl, Champhai,Malaysia

05 March 2000 kum Fuller AG Pawlpi kipat ni-in Pasian kammal tawh kong hong masa pen pa leh lamsial masa pen pa a hi hi. 2005 kum pan Tahan Fuller AG pawlpi in Evengelist hun lang ( part-time) in zang a, 2009 pan 2012 kum dongin hun bit ( Full Time ) in ki zang hi.

KAWMGAM PAN PAIKHIAT NA

2013 – 2021 kum dong Malaysia gam ah innkuan in khua sa uh hi. Malaysia om sungin zong a hih theih na bangbang in lungdam na thu gen in pai kawikawi hi. Kum 1/2 sung bang ZCF Canan pawlpi Malaysia tawh khut ki len in Pasian na sem khawm uh hi.

Pasian thupha leh lam hon sak na tawh 10 December 2021 kum in Australia Melbourne khuapi ah a innkuan pih te hong tunpih hi. Melbourne hong tun a kipan in a hu san tawp dongin Bethel Assembly Church ( BAC ) pawlpi tawh khut ki len in ma pang khawm hi.

DAM LOH NA LEH HONG NUSIAT NA

2010 kum in kawlgam ah Strok ( လေဖြတ် ) natna hong ngah ngei hita se mah leh Topa hong hehpihna thupha tawh damna hong ngah kik hi.

2020 kum Malaysia ah Covid natna tawh kal 2 sung zato lum in om hi ta mah leh Topa’n damna hong piaksak kik hi.

Australia ka tun uh ciang in zong 3-4 vei bang khua phawk lo ( သတိလစ် ) in Zato tung hi mah leh Pasian hehpihna tawh hong hoih to zel hi.

06 July 2026 ni – in Moroondah Hospital ah kana tung uh hi. 23 July 2026 Thursday ni ka innkuan un Dr. ten hong sam in kava kimu uh a, Dr te tung pan ka up mawh loh uh thu leh ka zaknop het loh uh te kaza uh a lungsim ki tam zan, lam et bei in ki om to hi.

Maroondah Hospital ah ni 28 sung a lup khit ciang nop tuam lo ahih man in 03 Aug 2026 Monday ni-in Palliative Care Wantirna ah hong puak in 04 Aug 2026 Tuesday ni nitak 9:30pm hun in ih biak Topa kiangah tawl nga dingin hong ciah san hihi.

LUNGDAM KOH NA

A nat a kipan thu hong ngetsak khem peuh tungah
Sum leh paai, tha leh ngal, Aktui Aktak leh nek theih tuamtuam tawh nat hong veh a kua ma peuh tungah
Nek leh dawn ding hong bawl sak pawlpi beh leh phung U leh Nau te tungah
Zan an hong bawl sak te tungah
Nuamtak a tut theih khawl theih na ding hong vaihawm sak te tungah
Han mual dong hong kha mimal kim tungah
A khual a tual pan in hongpha a, si hong gal khempeuh tungah na gimna, na tawl na, na sup, na bai nate khempeuh uh ih biak Pasian in a zah tampi-in hong thuk kik ciat ta hen.

LUNGDAM
A nusiat Innkuan Pihteng